Hush-a-ba, babby, lie still, lie still;
Your mammie's away to the mill, the mill;
Babby is greeting for want of good keeping,
Hush-a-ba, babby, lie still, lie still.

(greeting = weeping)

Hush-a-ba, burdie, croon, croon
Hush-a-ba, burdie, croon;
The sheep are gane tae the siller wid,
An the coos are gane tae the broom, broom.

An it's braw milkin the kye, kye,
It's braw milkin the kye;
The birds are singin, the bells are ringin,
An the wild deer come gallopin by.

Hush-a-ba burdie, croon, croon,
Hush-a-ba burdie, croon,
The gaits are gane tae the mountain hie,
An they'll no be hame till noon.

(kye = cattle)